Финските научници против стареење открија дека мажите во педесеттите се, во просек, четири години биолошки постари од жените на иста возраст.
Оваа разлика се појавува веќе во дваесеттите години, покажаа првите студии од ваков вид објавени во научното списание „Gerontological Journal: Series A“.
Научниците ја споредија хронолошката возраст на илјадници доброволци со нивната биолошка возраст, користејќи тестови кои го проценуваат влошувањето на телото врз основа на суптилни маркери прикачени на ДНК.
Иако студијата откри јаз во стареењето, авторите веруваат дека тој се намалил со текот на времето, веројатно затоа што стапката на пушење кај мажите во Финска нагло се намалила.
Бројот на мажи кои пушат цигари е намален во Финска од 37 проценти во седумдесеттите години на 20 век на сегашните 17 проценти, додека процентот на жени не е променет и е околу 15 проценти.
Индексот на телесна маса е исто така еден од главните фактори за родовите разлики при стареењето, истакнува тимот од Универзитетот во Јиваскила.
Резултатите од новото истражување би можеле да објаснат зошто жените живеат подолго од мажите. На пример, жените во ОК имаат очекуван животен век од 83 години, а мажите 79 години. Во САД, жените обично живеат околу пет години подолго од мажите.
