Боби Браун, сопругот на покојната музичка ѕвезда Витни Хјустон објави документарен филм за неговиот живот „Биографија: Боби Браун“, а некои од изнесените детали ја заинтригираа јавноста.
Браун, кој е познат по жиквотот со бројни пороци и турбуленции, призна дека пред Витни бил вљубен во Џенет Џексон, но и дека спиел со Мадона.
– Што ме привлече кај Џенет? Се. Нејзината насмевка, тело, танцови движења… Џенет и јас раскинавме затоа што таа не можеше да биде со маж како мене. Јас сум момче од соседството, а нејзиниот татко не и дозволуваше да биде со некој како мене. Дали спиев со Мадона? Немаше спиење. Едноставно се случи. Не знам ни како се случи. Таа веројатно знае – рече тој, откривајќи дека бил зависник од секс.
– Имаше нешто во нејзините очи што ме натера да се топам одвнатре. Баш начинот на кој што ме гледаше од првиот до последниот ден кога бевме заедно. Отсекогаш беше посебно – оцени Браун.
