Владата на Соломонските Острови официјално го извести Вашингтон дека ќе воведе мораториум за влез на воени бродови во нејзините пристаништа, соопшти американската амбасада во Австралија.Властите на Соломонските Острови ги влошија односите со САД, откако во мај потпишаа безбедносен договор со Кина.
Исто така, во тоа време, премиерите на Австралија и Нов Зеланд, Скот Морисон и Џасинда Ардерн, изразија загриженост за потенцијалното присуство на кинеската војска на Соломонските острови во југозападниот Пацифик.
