Руските власти тврдат дека бил нападнат град во Русија, на околу 45 километри северно од украинската граница, блиску до тромеѓето меѓу Украина, Белорусија и Русија. Во текот на ноќта Украина истрела ракети врз градот Клинци во јужниот руски регион Брјанск. „Противвоздушната одбрана на руските вооружени сили го уништи проектилот. Некои делови го погодија подрачјето на индустриската зона“, напиша на Телеграм гувернерот Александар Богомаз.
Во Клинци живеат околу 60.000 жители.
