Руските трупи и проруските сепаратисти во источна Украина се обединија во вторник на брегот на Азовското Море, изјави портпаролот на руското Министерство за одбрана Игор Конашенков.Силите на проруската сепаратистичка територија Доњецк „се споија со воените единици на вооружените сили на Руската Федерација, кои ја презедоа контролата врз украинските територии долж Азовското Море“, рече тој, според соопштението.Во вторникот „руската армија изврши напади со високопрецизно оружје со долг дострел од морето“, додаде тој, без да ја прецизира целната област.
Според него, „во Украина биле погодени два аеродроми и три радари за противвоздушна одбрана“. „Ниту една цивилна инфраструктура не беше цел на нападот“, рече тој.
Претходно, Едуард Басурин, командант на сепаратистичките сили во Доњецк, рече дека нивната цел е „целосно“ опкружување на Мариупол, стратешки пристанишен град на Азовското Море, дом на половина милион луѓе.
Градот Волноваха, еден час северно од Мариупол, беше во голема мера уништен во вторникот, изјави Павло Кириленко, украинскиот гувернер на Доњецк.
Русија започна инвазија на Украина на 24 февруари, три дена откако рускиот претседател Владимир Путин ја призна независноста на Доњецк и Луганск.
Русија во вторникот објави дека ќе изврши насочени напади врз инфраструктурата на украинската тајна служба СБУ.
„Технолошките капацитети на SBU во Киев ќе бидат цел на високопрецизно оружје“ со цел да се спречат „информативни напади“ врз Русија, соопшти руското Министерство за одбрана, пренесе Интерфакс.
Според министерството, цел ќе биде и т.н информации и психолошки операции во Бровари, источно од Киев.
Луѓето кои живеат во близина на овие локации се поканети да ги напуштат своите домови.
