Поради дојави за поставени бомби денеска во Загреб се евакуирани трговскиот центар Авенија мол, загребскиот Велесаем, како и две судски згради во Нови Загреб, јави хрватскиот портал Индекс.хр.
Од полицијата потврдија дека е во тек проверка на посочените локации од екипите за антитероризам.
Наводно, непознато лице решило да сее паника и страв и да ја запре работата на вработените во Кривичниот и Општинскиот суд во Нови Загреб, но и во трговскиот центар Авенија мол како и на просторот на загрепскиот саем.
Во тек е претрага на неколку илјада квадратни метри простор во која се вклучени и полициски кучиња.
