Министерството за внатрешни работи на Србија објави снимка од апсењето на осомничените за убиството на криминалецот од Никшиќ во регионот познат како Ранко Ескобар“, пренесуваат српските медиуми.
Ранко Радошевиќ (55) беше убиен пред два дена на бензинска пумпа во Белград. Неговото име се спомнуваше во јавноста како сопственик на еден блиндиран автомобил најден во гаражата на Марко Миљковиќ, десната рака на српскиот криминалец Вељко Беливук.
Српската полиција соопшти денес дека ги уапсила С.З. (28) и Л.В. (26) поради сомнеж дека извршиле тешко кривично дело. Српските медиуми објавија дека, со нив во станот имало и малолетно девојче (17 години), кое е уапсено поради соучесништво.
На осомничените им е одредено задржување до 48 часа, по што со кривична пријава ќе бидат изнесени пред надлежното обвинителство.
Одреден е притвор за малолетното девојче (17 години) кое беше уапсено во стан во Нов Белград заедно со двајцата осомничени за убиството на Ранко Радошевиќ познат како „Ескобар“ од Никшиќ.
Девојчето е родено во 2006 година и се товари за кривично дело соучесништво во тешко убиство.
Малолетниката вчера била сослушана пред судија за малолетници при Вишиот суд во Белград, а на рочиштето присуствувал и заменикот на Вишиот јавен обвинител за малолетници. Со оглед на тоа дека нема 18 години, во постапката е вклучен и Центарот за социјална работа,
