Воздухот што го дишеме достигна опасни нивоа на загадување. Експертите ги советуваат луѓето да се воздржат од каква било форма на брза физичка активност, дури и во затворени простории.
Овие намирници мора да ги вклучите во исхраната со цел да ги намалите штетните ефекти од загадениот воздух врз вашето здравје. Дури и луѓето без респираторни проблеми се изложени на ризик.
Според нутриционистот д-р Рупали Дата, белите дробови се првиот механизам погоден од смогот, а најмоќниот витамин за борба против здравствените состојби поврзани со белите дробови е витаминот Ц.
Храната како спанаќ, авокадо, домати и зелен лиснат зеленчук се најефикасните извори на витамин Ц.
Исто така, во борбата против штетното влијание на загадениот воздух врз организмот, ќе ви помогнат следните намирници:
Куркума
Куркумата е позната по своите антивоспалителни својства, а заслугата е на куркуминот, соединение кое се наоѓа во него. Тоа помага да се заштитат белите дробови од токсичните ефекти на загадувачите.
Ленено семе
Лененото семе е богато со омега-3 масни киселини и фитоестрогени.
Омега-3 масните киселини го штитат вашиот кардиоваскуларен систем и помагаат да се намалат ефектите од смогот, додека фитоестрогените имаат антиоксидантни својства кои помагаат да се намалат симптомите на астма и другите алергиски реакции во белите дробови.
Друга храна со поголема количина на омега-3 масни киселини се јаткастите плодови, јајцата, рибата и сојата.
Спанаќ
Спанаќот содржи бета каротин, зеаксантин, лутеин и хлорофил – кои се одговорни за зајакнување на вашиот имунолошки систем.
„Зелената боја на спанаќот се должи на хлорофилот, кој е моќен антиоксиданс со антимутагени својства. Утврдено е дека има силни антиканцерогени својства, особено на белите дробови. И не само тоа, спанаќот е богат со магнезиум, кој го обезбедува многу потребниот имунитет за борба против смогот.
Ги ублажува белите дробови и го отстранува стресот предизвикан од смогот.Покрај тоа помагаат во артикулацијата на воздухот во белите дробови.
Брокула
Многу здравствени експерти и нутриционисти советуваат да додадете брокула во вашата секојдневна исхрана за да се борите со штетните ефекти на загадувачите.
Според студијата спроведена од Блумберг Факултетот за јавно здравје на Универзитетот Џон Хопкинс, луѓето кои јаделе брокула ги елиминирале токсините поврзани со загадувањето на воздухот.
Тоа е затоа што брокулата се состои од сулфорафан кој помага да се исфрлат повисоките нивоа на канцерогенот познат како бензен низ нашите црева.
Богатите количини на витамин Ц кои се наоѓаат во брокулата исто така помагаат да се зајакне нашиот имунитет.
Домати
Доматите се богати со бета-каротен, витамин Ц и ликопен – антиоксиданси кои помагаат да се намали воспалението на дишните патишта, дополнително намалувајќи ги шансите за предизвикување астма и други респираторни проблеми.
Се верува дека ликопенот е едно соединение одговорно за одржување на здравјето, освен тоа, го одржува нивото на слободните радикали во рамнотежа, заштитувајќи го телото од респираторни заболувања и други здравствени состојби.
Познато е дека бета-каротенот во доматите го забавува стареењето на белите дробови. Според студијата објавена во „European Respiratory Journal“, возрасните кои јаделе повеќе од два домати дневно имале побавна стапка на природно опаѓање на функцијата на белите дробови, пренесува Klix.ba.
