Реал Мадрид во четвртокот потврди дека го договорил трансферот на Ендрик од Палмеирас.
Младиот фудбалер ќе потпише тригодишен договор со Реал, со клаузула за автоматско продолжување до 2030 година.
Ендрик ќе му се приклучи на мадридскиот клуб во јули 2024 година, кога ќе наполни 18 години.
Ендрик важи за голем талент, а стана и најмладиот стрелец во историјата на Палмеирас и бразилската лига.
Според најавите, иако нема официјална потврда за овој дел од договорот, Реал на Палмеирас ќе му плати 40 милиони евра, плус 20 милиони потенцијални бонуси. Покрај 12 милиони евра данок.
За Ендрик беа заинтересирани и Челзи и Пари Сен Жермен, но се чини дека Реал имаше мала предност во преговорите поради фактот што Ендрик има ист агент како Винисиус Јуниор.
