Рускиот претседател Владимир Путин денеска изјави дека нема планови за продолжување на воената мобилизација во земјата.
На прес-конференција во главниот град на Казахстан, Астана, Путин рече дека делумната мобилизација што ја нареди минатиот месец, за која Министерството за одбрана рече дека има за цел да регрутира 300.000 војници, е при крај и ќе биде завршена во рок од две недели.
Градоначалник на Запорожје поставен од Москва, денеска соопшти дека нуклеарката во овој град почнала да работи по руски стандарди
– Нуклеарната централа во Запорожје, која се наоѓа во областа Енергодар, почна да работи според руски стандарди – изјави градоначалникот Александар Волга.
Тој рече дека нуклеарната централа Запорожје станала дел од руската компанија „Росенергоатом” и е под јурисдикција на Руската Федерација.
Досега со централата управуваше украинскиот оператор „Енергоатом“.
