Се надеваме дека новиот ковид-бран кој е во зачеток во Европа и кај нас, ќе биде налик на обична настинка и наскоро ќе престанеме да мислиме на тестирањата, изолации и слично, вели проф. д-р Александар Петличковски од Институтот за имунологија и хумана генетика кој и е претседател на Комисијата за заразни болести во емисијата Магазин на Сител.
Тој вели дека во моментов има само осум пациенти хоспитализирани со ковид.
– Наша обврска е сега кога бројките растат да го опоменеме населението дека пандемијата не е завршена и дека просто треба да мислиме на вирусот со цел да излеземе и од овој бран со мали последици. Иако бројот расте, нема простор за паника – кажа Петличковски.
