Македонија е на 54 место според Индексот на глобални можности (Global Opportunity Index) за 2023 година кој ја мери привлечноста на земјата за меѓународните инвеститори. На претходната ранг листа земјава беше на 53 позиција.
Индексот го дизајнира институтот Милкен за да им помогне на инвеститорите кои бараат можности надвор од нивните локални пазари, како и на земјите кои имаат намера да ги подобрат своите деловни средини. Индексот се базира на 100 индикатори класифицирани во пет категории: деловната перцепција ги мери ограничувањата со кои се соочуваат бизнисите и леснотијата на бизнисите да ги решаваат споровите, економските основи ја доловуваат макроекономската перспектива на земјата и потенцијалот за иден развој, финансиските услуги го мерат пристапот на една земја до финансиските услуги, институционалната рамка го доловува степенот до кој институциите на една земја помагаат или ја попречуваат деловната активност, меѓународните стандарди и политики мерат колку една земја е интегрирана во меѓународната заедница.
Со зафаќање на клучните услови за инвестирање во една земја, GOI и придружната алатка за податоци служат како објективен репер, нудејќи витални информации за инвеститорите и креаторите на политиките.
Според овие параметри, земјава во однос на деловна перцепција е рангирана на 42 место, кај економски основи на 77 позиција, во делот – финансиски услуги (46), институционална рамка (71) и кај меѓународни стандарди и политики е рангирана на 61 место.
Во однос на регионот ние сме зад, Словенија која е на 26 позиција Бугарија на 46 позиција и Црна Гора која се најде на 50 место. Зад нас се Србија (59), Хрватска (64), Грција 71 и Албанија (73).
На глобално ниво води Данска, потоа следат Шведска, Финска, САД и Обединетото Кралство.
Сингапур се најде на врвот на Азија како омилена земја на инвеститорите во регионот и се најде на 14-то место на глобално ниво. Хонг Конг и Јапонија се рангирани на 15-то и 16-то место во Азија.
Зголемените тензии меѓу САД и Кина, сепак, го погодија приливот во азиските економии за истражување и развој, пад од 75,4% во 2022 година, се додава во извештајот. Втората по големина економија во светот, Кина, се најде на 39-то место.
