Руските и украинските сили меѓусебно се обвинуваат за гранатирањето на турскиот брод „Азбург“ на пристаништето во Мариупол во Украина, која во моментов гори од пожар предизвикан во машинското одделение. МВР-то на Украина соопшти дека се работи за цивилен брод кој пловел под Доминиканско знаме и објави негова слика. Истовремено, Едуард Басурин, заменик-шеф на милицијата на Доњецката Народна Република како виновници ги посочи украинските националисти кои сѐ уште го држат пристаништето, пишува Нова.
Според Басурин националистите „свесни за нивниот неизбежен пораз“ намерно ја уништиле инфраструктурата и странските бродови во пристаништето.
– Во овој момент знаеме дека има оган и чад на турскиот брод, дека бродот плови под доминиканско знаме и дека на него има 12 украински државјани – рече Басурин во итна изјава објавена на Телеграм каналот на милицијата во Доњецк.
