Иако малку информации излегуваат од границите на Северна Кореја, сепак познато е дека нејзиниот лидер Ким Јонг Ун е љубител на спортот и пријател со ѕвезди од типот на поранешната НБА ѕвезда, Денис Родман. Тој понекогаш знае да се појави и на некој натпревар од севернокорејските клубови и тоа се одбележува како специјален настан.
Видеото од еден одбојкарски натпревар во Северна Кореја на кој Ким Јонг Ун е специјален гостин, стана вирално на социјалните мрежи. На видеото се гледа како Ким Јонг Ун го ужива целото внимание и од публиката и од играчите кои застануваат и со аплазу го поздравуваат лидерот во ложата.
Освен играчите и одбраната публика, од присуството на лидерот посебно е воодушевен судијата кој дури и потскокнувал додека аплаудира.
Ким во добро расположение ужива во натпреварот и во специјалното внимание во друштво со сопругата.
