Едно лице загина, а четворица се ранети на западот на Украина во руски напад со десетина беспилотни летала од иранско производство извршен синоќа, соопштија украинските власти.
Повредениот бил спасител, а бил убиен додека ја извршувал својата должност, изјави преку Телеграм градоначалникот на Хмелницки Олександер Симчишин, наведувајќи дека во тие удари биле оштетени згради.
Гувернерот на регионот Хмелницки изјави дека биле извршени три ноќни напади врз истоимениот град, кој се наоѓа меѓу Киев и Лавов. Од четворицата повредени, тројца се во болница во тешка состојба, но нивните животи не се загрозени, изјави гувернерот преку Телеграма.
Украинските воздухопловни сили објавија дека Русија лансирала 14 борбени беспилотни летала Шахед од иранско производство и дека украинската противвоздушна одбрана соборила 11.
Девет беа соборени околу Киев, соопшти воената управа на главниот град на Украина, наведувајќи дека во нападот нема жртви или оштетени предмети.
