Хеликоптер Ми-8 на руското Министерство за вонредни ситуации се урна кај езерото Онега во северна Карелија со тројца членови на екипажот, соопшти денеска Министерството, додавајќи дека во тек е подводна потрага.
„Хеликоптерот беше на тренажен лет. Хеликоптерот беше управуван од искусен екипаж со илјадници часови лет“, , објави Министерството на апликацијата за пораки Телеграм.
Комуникацијата со хеликоптерот била изгубена додека бил над езерото Онега. Министерството соопшти дека во потрагата се вклучени нуркачи и подводно возило на далечински управувач. Тие не објавија никакви информации за статусот на членовите на екипажот.
На местото каде што се урнал хеликоптерот во тек е увид.
Во потрагата се вклучени повеќе од 140 луѓе и 33 парчиња опрема, вклучително и нуркачи.
Рускиот истражен комитет покрена кривична постапка поради прекршување на правилата за безбедност во сообраќајот и функционирање на воздушниот сообраќај.
Регионот Карелија е поделен на два дела: Финскиот регион Карелија и руската Република Карелија во северозападниот дел на Русија, меѓу Белото и Балтичкото Море, каде што се урна хеликоптерот.
