Новак Ѓоковиќ нема да игра на Дејвис купот во Валенсија, изјави тренерот Виктор Троицки за Sports Journal.
Се планираше Ѓоковиќ да и помогне на тимот да се пласира на завршниот турнир, но дојде до промена на планот.
„Ноле нема да игра од лични причини. Беше безброј пати во репрезентацијата, но сега не може“, изјави Троицки за Журнал и додаде:
„Тоа е негова лична работа. Овој пат е спречен да игра, но ќе ни се придружи во Малага доколку се пласираме на завршниот турнир“.
Србија против Канада, Шпанија и Кореја ќе ја претставуваат Филип Краиновиќ, Душан Лајовиќ, Ласло Ѓере и Никола Чаќиќ.
