Денеска ќе имаме студено утро, а преку денот ќе биде сончево со мала до умерена облачност.
Ќе дува слаб до умерен, а наместа долж Повардарието повремено засилен ветер од северозападен правец.
Во Скопје времето ќе биде сончево со мала до умерена облачност. Ќе дува слаб до умерен северен ветер. Утрово ќе биде со температура од – 5 степени, а преку денот ќе се искачи до 8 степени.
Од утре времето ќе биде променливо облачно со сончеви периоди, а во источните делови ќе има услови за слаби врнежи. До крајот на седмицава ќе дува умерен до засилен северен ветер и температурите ќе бидат повисоки во однос на денешните.
