Папарацо фотографот Џим Бенет кој во понеделникот ја фотографира Кејт Мидлтон како се вози со принцот Вилијам во автомобил, се огласи за да ги отфрли теориите на заговор што кружат на интернет дека фотографијата е лажирана.
– Не ги менуваме нашите фотографии во Фотошоп, освен прилагодувањето на светлината доколку е потребно – изјави Бенет.
Бенет рече дека тој и неговиот партнер биле ангажирани од медиумите за да го снимат принцот Вилијам како оди во Вестминстерската опатија на кралски настан.
– Автомобилите го напуштија замокот Виндзор, а јас одблиску ги фотографирав во улицата Дачет хај, пред бр. 39, да бидеме попрецизни. Фотографиите од автомобил најчесто се непредвидливи и со малку рефлексија на стаклото може да биде тешко. Како и што се случи. Дури кога проверив на задниот дел од камерата за да се уверам дека сум го фотографирал принцот Вилијам, сфатив дека некој седи до него. Испадна дека е Кетрин – појаснува фотографот.
Бенет зборува и за шпекулациите дека силуетата на Кејт Мидлтон е монтирана на фотографијата и го разјаснува погрешното сфаќање дека фотографијата е објавена од кралското семејство.
Тој појасни дека фотографијата е направена од професионален фотограф, а потоа објавена во САД од фотоагенцијата GoffPhotos.
Истражувачите на Интернет го споредија профилот на Кејт Мидлтон на фотографијата на Бенет со снимката на принцезата на церемонијата во 2016 година, шпекулирајќи дека таа е монтирана на новата фотографија со нејзиниот сопруг.
Други забележаа недоследности со примерокот на тулите што се гледа над автомобилот и оној што се гледа низ неговиот прозорец. Но се чини дека адресата на улицата Дечет, дадена од Бенет, исто така, ги потврдува сомнежите за фалсификат.
Иако фугирањето помеѓу тулите изгледа неконзистентно на фотографијата, повнимателна проверка на зградата го покажува надворешниот ѕид од тули на нивото на автомобилот кој има значително различно фугирање од она што е видливо на самата зграда погоре.
Сомнежите за автентичноста на фотографиите беа поттикнати и од признанието на Кејт во понеделникот дека ја уредувала сега озлогласената британска фотографија за Денот на мајката споделена за време на викендот.
