Дваесет и седум лица, меѓу кои четири деца, загинаа во пожар што избувна во саботата во забавен парк во западна Индија, соопшти во неделата полицијата.
„Потврдивме смрт на 27 лица во пожарот“, изјави претставникот на индиската полиција Радика Бараи.
Четирите деца кои загинаа биле на возраст под 12 години, додаде тој.
Повеќе од 300 луѓе беа во двокатната сала во забавниот парк ТРП кога избувна пожарот, рече Илеш Кер од противпожарната служба во Рајкот, државата Гуџарат.
Премиерот Нарендра Моди рече дека е „екстремно погоден“ од несреќата.
Локалните власти соопштија дека четири лица се уапсени на сослушување.
