Најпознатиот шоумен во Македонија, актерот, пејач и водител, Игор Џамбазов им се налути на „кафеанџиите“, поточно на сопствениците кои за многу повеќе пари ангажираат полуанонимни пејачи и пејачки од Балканот, наместо да повикаат македонски изведувачи.
Џамбазов на својот Instagram профил јавно се обрати, а потоа истото го сподели и на Facebook.
– Ги замолувам сите сопственици на дискотеки и клубови кои ангажираат полуанонимни пејачки од Балканот, со една и пол песна во кариерата, а ги плаќаат 5 (и со букви ПЕТ) пати повеќе од најдобрите македонски изведувачи, ич да не ме бараат за настап со мојот бенд. За вас дечки сум недостапен … дур сум жив. Идемо садаааа … Балкан горииииии … – напиша Џамбазов.
По објавата на Игор, следеше реакција и од останати македонски изведувачи кои во целост застанаа зад Џамбазов.
