Јасминка Џумхур, членка на Независната меѓународна истражна комисија за Украина формирана од Обединетите нации, изјави дека Комисијата регистрирала одреден број злосторства врз деца кои биле убиени со огнено оружје, но имало и сексуална злоупотреба и повреди на деца.
„Одредени информации укажуваат на префрлање на децата од територијата на Украина на територијата на Русија, каде што се уште се наоѓаат, како и прашањето за враќањето на тие деца. Во голем број од овие случаи биолошките родители се наоѓаат на територијата на Украина“, вели Џумхур во интервју за Радио Слободна Европа.
Таа повтори дека на територијата на Украина се извршени воени злосторства, дека се прекршени човековите права и меѓународното хуманитарно право, а додаде дека имало и злосторства врз деца од страна на руската армија.
„Кога зборуваме за облици на кршење на човековите права, тие можат да се групираат во две категории, против интегритетот на лицата и другата во однос на инфраструктурата. Тие зборуваат за тортура, злоупотреба, силување и други форми на сексуално насилство“, рече Џумхур.
Членот на комисијата додаде дека втората група кривични дела се однесуваат на инфраструктурата во случаи кога објектите од енергетскиот сектор биле таргетирани на почетокот на зимата, што индиректно ги загрозувало човековите права на голем број жители да имаат пристап до електрична енергија, здравствена заштита и образование на децата. .
„Значајната разлика меѓу конфликтот во Босна и Херцеговина и конфликтот во Украина е во формите и димензиите на злоупотребата во однос на видот на употребеното оружје. БиХ беше под ембарго и не можеше да се вооружи, ниту можеше да и се достави хуманитарна помош“, рече Џухмур.
Таа додаде дека во Украина се користи високо софистицирано и оружје со долг дострел, кое има разурнувачки ефект врз инфраструктурата, но дека разликата е во тоа што веднаш се создава рамка за жртвите, од нивната регистрација, до нивната поддршка.
„БиХ го пропушти моментумот да развие модели за грижа за жртвите паралелно со конфликтот и мислам дека ова е негативно научена лекција од конфликтот во Босна и Херцеговина, која треба да се искористи во другите земји за жртвите да не ги поднесат траума, особено траума на напуштање“, рече таа.
Џухмур објасни дека прашањето за кривичната одговорност отвора можност за гонење на случаите на воени злосторства пред националниот правен систем, но тогаш се појавува проблемот со достапноста на оние кои извршиле злосторства.
„Меѓународното гонење на воените злосторства е значајно од аспект на фактот што ниту Русија, ниту Украина не го ратификуваа Хашкиот статут, и поради оваа причина се поставува прашањето за можноста за гонење на случајот, при што Украина даде две изјави дека ја прифаќа надлежноста на Меѓународниот трибунал за злосторства извршени на територијата на Украина“, рече таа.
