Украинските сили наводно уништиле неколку командни пунктови и складишта за муниција на руските сили во околината на градот Херсон во истоимената област на југот на земјата за време на продолжувањето на контраофанзивата. Според јужната команда на украинската армија, во последните 24 часа биле извршени 16 воздушни напади, јавуваат странските новински агенции.
Се вели дека украинската артилерија погодила четири руски командни пунктови и четири мостови или речни премини во регионот Керсон. Жестоките борби продолжуваат, нашите војници работат 24 часа на ден“, изјави гувернерот на областа Миколаев, Виталиј Ким за ситуацијата на боиштата, пренесе британски Би-Би-Си.
Во своето редовно видео обраќање синоќа, украинскиот претседател Володимир Зеленски не ја спомна конкретно украинската контраофанзива, но рече дека „активни борби се водат по речиси целиот фронт“ на југ, во регионот Харков и во Донбас. .
Според Киев, украинските сили досега ги уништиле „речиси сите големи мостови“ на реката Днепар, оставајќи „само пешачки мостови“ во областа Керсон, пренесува француската новинска агенција АФП.
И јужната команда на украинската армија објави дека градот Миколаив бил цел на „обемно бомбардирање“ на руските сили во текот на ноќта, при што загинале двајца цивили, а 24 се ранети.
Во меѓувреме, руското Министерство за одбрана објави дека украинските сили изгубиле повеќе од 1.200 војници и 139 тенкови, оклопни возила и камиони по обидот за офанзива во три различни насоки во регионите Миколаев и Керсон, јави Би-Би-Си, која предупредува дека тврдењето не може да се потврди.
