Високиот крвен притисок е болест која мачи сè повеќе луѓе. Некогаш бил резервиран за постарите, а денес зафаќа сè помлада и помлада популација. Крвниот притисок многу зависи од начинот на живот, кој вклучува физичка активност, исхрана, нивото на стрес на кој сме изложени. И токму заради сето тоа, хипертензијата стана болест на модерното време. Многу влијаат и брзото темпо на живот, многу обврски и многу грижи. Кога на тоа ќе се додаде лошата исхрана, полна со масти, сол и шеќер, прекумерното консумирање алкохол, пушењето и недостатокот на физичка активност, ситуацијата станува уште полоша. Но, високиот крвен притисок не мора секогаш да биде последица од начинот на живот, може да биде и генетски условен, но во секој случај лошо влијае на организмот.
Последиците од високиот крвен притисок може да бидат фатални. Најлошото е што тие се чувствуваат само кога болеста веќе напредува. Затоа ја нарекуваат „тивок убиец“. Симптомите кои се манифестираат како хронична главоболка, вртоглавица, замор, крварење од носот често се последица на оваа болест.
Прочитајте повеќе на порталот „Арт кујна“.
