Во близина на српското Собрание во Белград дошло до физичка пресметка меѓу противниците на Прајд и полицијата.
Како што јавува репортерот на Нова.рс, екскомуницираниот монах Антоние прво бил одвоен од толпата, а потоа внесен во полициска станица. Како што пишуваат српските медиуми, тој претходно со шише ја гаѓал новинарската екипа на Н1.
Полицијата ги турка демонстрантите подолу од Собранието.
Приведени се неколку лица. Меѓу нив се и двајцата кои го украле главниот транспарент за денешната прошетка на Еуропрајд.
Инаку најмалку 3.000 полицајци ќе бидат директно задолжени за обезбедување на денешната прошетка во рамки на Еуропрајд.
Освен полицајците на улиците и во деловите од градот каде што ќе се движи поворката Прајд, значително поголем ќе биде и бројот на ангажирани припадници на безбедносните сили во униформа или во цивил – вкупно околу 6.000 луѓе.
Фокусот во текот на денешниот ден ќе биде ставен на зачувување на безбедноста на учесниците на Парадата на гордоста, кои ќе бидат неколкукратно помали од учесниците на контра прошетката.
