Во Тирана денеска е потпишан документ „Посветеност на патиштата на иднината“ меѓу државите од Западен Балан.
Документот се однесува на инвестиции во модерна патна инфраструктура и промоција на алтернативни горива.
Документот беше потпишан за време на Самитот за патишта за Западен Балкан, организиран од Постојаниот секретаријат на Транспортната заедница, Европската инвестициска банка (ЕИБ) и Европската банка за обнова и развој.
„Посветеност кон патиштата на иднината“ се однесува на развој на одржливи патишта со фокус на климатската отпорност на патната мрежа и воведување горива со нула јаглерод, воведување на интелигентен транспортен систем, интероперабилност на електронска наплата на патарина низ целиот регион , изградба на станици за полнење, промоција на алтернативни горива, зголемување на безбедноста на рамни премини и подобрување на безбедноста на ранливите категории учесници во сообраќајот.
