Најмалку 155 деца загинаа во разорниот земјотрес минатата недела во југоисточен Авганистан, соопштија Обединетите нации (ОН).
Хуманитарната организација на Обединетите нации (OCHA) соопшти дека 250 деца се повредени во земјотрес во планинските села во провинциите Пактика и Хост во близина на границата со Пакистан.
Повеќето деца загинаа во тешко погодената област Гвајана во Пактика.
Талибанските власти во Авганистан соопштија дека бројот на жртвите од земјотресот е 1.150, а стотици се повредени, додека ОН соопштија дека загинале 770 луѓе, но стравуваат дека конечниот биланс на жртви ќе биде поголем.
Минатонеделниот земјотрес со јачина од шест степени според Рихтеровата скала беше најсмртоносниот во Авганистан во последните две децении.
