Кралицата Елизабета е позитивна на ковид-19, соопштија од Бакингемската палата.
Британската кралица има „благи симптоми слични на настинка“, но се очекува да продолжи со „лесните обврски“ во Виндзор во текот на следната недела, потврдија од палатата.
– Таа ќе продолжи да добива лекарска помош и ќе ги следи сите соодветни упатства – се додава во соопштението.
Кралицата (95) била во контакт со нејзиниот најстар син и наследник, принцот Чарлс од Велс, кој минатата недела беше позитивен на тестот.
Би-Би-Си јави дека голем број луѓе биле позитивни на ковид-19 во замокот Виндзор, каде што живее кралицата.
