„Гаспром“ целосно го прекина снабдувањето со гас за холандската „ГасТера“ поради одбивањето да плати во рубљи според новата шема, се вели во телеграмата на руската компанија, пишува РИА. Известено е дека „Гаспром Експорт“, до крајот на вчерашниот работен ден, 30 мај, не добил исплата за испорака на гас во април од „ГасТера БВ во согласност со Уредбата на претседателот на Русија бр. 172 од 31 март 2022 година. ”
Холандската енергетска компанија вчера објави дека одбива да плати за снабдување во рубљи, по што „Гаспром“ ја извести за прекин на испораките од денеска, 31 мај, а како резултат на ова, околу две милијарди кубни метри гас според сегашниот договор ќе останат неиспорачани.
Претходно „Гаспром“ целосно го исклучи гасот за Финска, Полска и Бугарија од истите причини.
