Македонија ЃП попладнево во Скопје на првиот меч од 2.квалификациско коло во ЛК одигра без голови против големиот фаворит, тимот на ЦСКА Софија. Иако останаа со десет играчи по исклучувањето на Матеус, сепак „лавовите“ издржаа.
– Мислам дека во првото полувреме бевме подобри. Можеме да се носиме со големи екипи. Штета што дојде до исклучување на Матеус, па сега не ќе можеме да сметаме на реваншот во Софија, а таму одиме да се бориме. Имаме почетни 0:0, се надевам на уште една добра игра на нашиот тим – истакна Бајрам Муаерми, стратегот на нашиот тим.
