Шефот на комисијата за воена мобилизација во руската област Хабаровск е разрешен од должноста, бидејќи половина од мобилизираните мажи биле одбиени, со образложение дека не ги исполнуваат потребните услови, соопштија локалните власти на рускиот Далечен Исток.
Гувернерот на областа Хабаровск, Михаил Дегтјарев, изјави дека во текот на 10-те дена, неколку илјади мажи одговориле на мобилизацијата, но дека „околу половината биле вратени дома, бидејќи не ги исполнувале критериумите за воена служба“.
Ова доведе до разрешување на шефот на комисијата за мобилизација Јуриј Лајко, што нема да го загрози процесот на воена мобилизација, рече Дегтјарев, пренесува Ројтерс.
