Бугарин и скопјанец лепеле плакати со политичка содржина низ Скопје, соопшти Министерството за внатрешни работи (МВР).
„Синоќа во 23.44 часот во СВР Скопје било пријавено дека на автобуска постојка на булеварот Гоце Делчев во Скопје било забележано патничко возило ‘фолксваген кеди‘, со бугарски национални ознаки, а лицата кои биле во него лепеле плакати на автобуската постојка. Полициски службеници излегле на местото и било утврдено дека станува збор за плакати со политичка содржина. Возилото било пронајдено на булевар Кузман Јосифовски Питу, а во него биле затекнати С.В.(31) од Бугарија и Д.С.(26) од Скопје. При преглед на возилото биле пронајдени исти такви плакати“, информира МВР.
Се работи на расчистување на случајот.
