Пожар и облаци од чад се издигаат од локација во близина на Белгород во Русија, недалеку од украинската граница, сведочат видеа на социјалните мрежи.
На едно од видеата се гледа како полицијата го пренасочува сообраќајот подалеку од областа и хеликоптери кои кружат над градот.
Во пожарот се оштетени седум објекти, како и железнички мост што го користат товарни возови.
Гувернерот на Белгородската област, Вјачеслав Гладков, на Телеграм објави дека избувнал пожар во објект на Министерството за одбрана.
„На границата на три општини – областите Борисов и Белгород и урбаниот округ Јаковлевски – се случи пожар на територијата на еден од објектите на Министерството за одбрана на Руската Федерација“, напишал тој, објави Си-Ен-Ен.
