Засега само во Хрватска, а наскоро и во многу други земји, најави Мате Римац со фотографии од првата официјална регистрација на неговиот автомобил „Nevera“.
– По 5 години развој, над 1.000 луѓе во проектот, произведени 17 прототипови, 45 тестови на судири, 9 автомобили уништени за време на краш тестови и илјадници други тестови – денеска редовно се регистрира првата „Nevera“. Засега само во Хрватска, а наскоро и во многу други земји – објави Римац.
Тој најави дека на „Nevera“ ќе биде интересно да се видат регистарските таблички на други земји.
– Ќе биде интересно да ги видиме наскоро на табличките на Монако, Велика Британија, САД, Германија, Јапонија, Канада… – напиша тој на својот профил.
„Nevera“ има неверојатни перформанси – 1.914 коњски сили и 2.360 Nm вртежен момент, забрзување до „стотка“ за 1,85 секунди и до 300 km/h за само 9,3 секунди и максимална брзина од 412 km/h, а заинтересираните купувачи својот примерок ќе можат да го купа за цена од 2 милиони евра.
