Во јули годинава во земјава се евидентирани 197.273 туристи, од кои 46 % се домашни, а 54 % се странски, соопшти Државниот завод за статистика.
Бројот на ноќевањата во јули изнесува 742. 970, од кои 71,4 % се од домашните туристи, а 28,6 % од странските.
Во периодот јануари – јули 2023 година, во однос на истиот период од претходната година, бројот на туристите е зголемен за 25,3 %. Кај домашните туристи има зголемување за 1,2 %, а кај странските за 44 %.
Бројот на ноќевањата, пак, во периодот јануари – јули годинава, во споредба со лани, е зголемен за 12,4 %, и тоа кај домашните туристи за 0,7 %, а кај странските за 28,4 %.
