Сопругата на актерот Брус Вилис, Ема Хеминг Вилис, на својот Инстаграм објави трогателно видео од моментот кога се вљубила во него. Ема Вилис ја објави снимката во средата, а на неа се гледа како таа и Брус уживаат во зимските радости.
„Тоа беше зима пред 15 години, тогаш до уши се вљубив во Брус. Тој е љубовта на мојот живот“, напишала Ема покрај видеото.
Ема и Брус се венчаа во март 2009 година по неколку години врска, а добија две ќерки, Мејбел која има 10 гоидиа и осумгодишната Евелин. Брус ги има и ќерки Талула, Скаут и Румер со поранешната сопруга Деми Мур, а сите се во многу добри односи, особено во изминатите месеци откако на Брус му е дијагностицирана афазија и откако се повлече од светот на глумата.
Скаут и Талула се јавија во коментарите под видеото. „Воодушевена сум од ова видео“, напишала Скаут, а Талула додала: „Топло ми е околу срцето кога го гледам ова“.
Семејството на Вилис кон крајот на март потврди дека на Брус му е дијагностицирана афазија, разорна состојба на мозокот што може да доведе до губење на способноста за разбирање и изразување. Вилис целосно се повлече од јавниот живот, а откако пензионирање речиси и да нема информации за неговото здравје. Она што главно се знае е дека деновите ги поминува со целото големо семејство, вклучително и Деми Мур и децата од претходниот брак, а уживаат во секој заеднички момент.
