Еве кои пијалоци предизвикуваат ќелавост
Губењето на косата е во пораст во последните неколку години, а консумирањето премногу засладени и газирани пијалоци може да биде поврзано со уште поголем ризик, сугерира новото истражување, чии резултати беа објавени во списанието Nutrients.
Како што објави Инсајдер, истражувачите од Универзитетот Цингхуа во Пекинг ги прегледале податоците на повеќе од илјада мажи на возраст меѓу 18 и 45 години, снимени од јануари до април 2022 година, за да ги споредат нивните животни навики и опаѓањето на косата, пренесува Индекс.
Тие откриле дека опаѓањето на косата е речиси 30 проценти почеста кај мажите кои имаат дневна навика да пијат еден засладен пијалок како сода, сок, енергетски пијалоци, диетални пијалоци и засладено кафе или чај (вкупно помеѓу еден и три литри на недела).
Исто така, мажите кои пријавиле дека пијат повеќе од еден пијалок засладен со шеќер дневно имале уште поголема веројатност да доживеат губење на косата, до 42 отсто поголем ризик во споредба со оние кои ретко или никогаш не ги консумирале овие пијалоци.
