Четири лица загинаа, а повеќе се повредени во сударот на два хеликоптери што се случи на брегот на Австралија.
Според локалните власти, три лица се во критична состојба, а судирот се случил во 14 часот по локално време во близина на популарниот туристички кварт Мејн Бич на Голд Коуст, јужно од Бризбејн.
„По судирот, хеликоптерите се урнаа на песочна плажа во близина на одморалиштето Sea World“, изјави за новинарите портпаролот на полицијата во Квинсленд, Гери Ворел, според Си-Ен-Ен.
Тој додаде дека на итните служби им е тешко да пристапат до песочната плажа, која се наоѓа недалеку од брегот.
Службата за брза помош во Квинсленд (QAS) Џејни Ширман изјави дека во хеликоптерите имало вкупно 13 лица, од кои четворица загинале, тројца тешко и шест се полесно повредени. Полесните повреди се однесуваат на исеченици од стакло.
Таа додаде дека сите повредени се пренесени во болница за укажана помош и дека се уште не се познати причините за несреќата. Ќе се спроведе истрага, по што ќе се знаат повеќе детали.
