Капетан од прва класа во руската Црноморска флота, загина во експлозија на автомобил-бомба во Севастопол, Крим, објави каналот База на Телеграм, за кој се верува дека е поврзан со руските разузнавачки служби.
Убиството го извршила Службата за безбедност на Украина (СБУ), изјави за Киев Индепендент неименуван извор од агенцијата.
Михаил Развозаев, гувернер на окупираниот украински полуостров Крим назначен од Москва, објави дека во автомобилот што експлодира на улица во средата наутро се наоѓал воен офицер.
Службите за итни случаи пристигнале на местото на настанот околу 10 часот по локално време, шест минути по експлозијата, но офицерот набрзо им подлегнал на повредите, пренесува Њузвик.
Рускиот канал „Маш“ на Телеграм соопшти дека Транковски бил следен околу една недела и дека од далечина била активирана импровизирана експлозивна направа поставена под автомобилот на возачот.
Снимките на социјалните мрежи покажуваат дека автомобилот е целосно уништен.
Транковски беше началник на штабот на бригадата на мали, брзи ракетни бродови кои учествуваа во инвазијата на Украина, јави Радио Слободна Европа.
Извор од СБУ за Киев Индепендент изјавил дека Транковски бил „воен злосторник кој наредил лансирање крстосувачки ракети од Црното Море на цивилни локации во Украина“. Се вели дека тој е одговорен за ракетниот напад Калибр врз градот Виница во јули 2022 година, во кој загинаа 29 лица, а повеќе од 200 беа повредени.
Тој, исто така, ги надгледуваше нападите врз Одеса и други градови во кои загинаа многу цивили, рече изворот.
