Некои пустински области во југозападниот дел на Алжир беа покриени со снежна покривка што ги изненади локалното население бидејќи немаше можност многу често да гледаат такви зимски услови.Регионот Башар е претежно познат по својата жолта песочна почва, но жителите на регионот споделуваат фотографии и видеа на социјалните мрежи на кои се гледа теренот покриен со бел снег.
Локалните медиуми јавуваат дека последниот снег паднал во градот Башар на алжирско-мароканската граница во 2012 година.
Според алжирската метеоролошка служба, снег се очекува и во други пустински региони, особено во провинцијата Гардаја на југот на земјата.
Од почетокот на зимата северните региони на Алжир се под бурен бран студен воздух, додека многу градски и рурални патишта се затворени поради снежните врнежи.
Алжир веќе три години се соочува со суша, која предизвика сериозно намалување на водостојот на браните, подземните води и реките, така што секој дожд е добредојдено ослободување од аспект на ублажување на овој еколошки предизвик.
