Видео од гол маж кој прави стриптиз во бања играјќи си со пешкирот, а потоа со рацете покажува „мир“, стана хит на Телеграм. Видеото го објави познатиот канал ВЧК-ОГПУ, a многумина тврдат дека човекот е никој друг туку генералот Александар Матовников, шеф на оперативната група на копнените руски сили кои во моментот се на задача во Белорусија, пишува британски Телеграф.
Според каналот, 57-годишниот Матовников од небрежност го дозволил нападот со дрон врз рускиот разузнавачки авион А-50 на аеродромот во Минск, напад за кој одговорноста ја презеде белоруската опозиција.
Гласините велат дека иако е оженет, Матовников е жесток познавач на рестораните и на жените во Белорусија, многу повеќе отколку што ги штити авионите на Владимир Путин, пишува Дејли Стар.
Матовников играше клучна политичка улога меѓу 2018 и 2020 година кога беше претставник на Путин во Федералниот округ на Северен Кавказ. Во истиот период, тој беше член на Советот за безбедност на Руската Федерација.
Под видеото на Телеграм следуваа лавина коментари. Еве само некои од нив:
„Па, така се станува генерал! Како така ја браниш татковината, бе!“, „Ова е нова реклама за војската“, „Член е на Здружението на ветерани Алфа, води активен воен живот. Од 1999 година добил задача да соработува со семејството на Ахмат Кадиров и живеел во неговата куќа, се дружи со сегашниот шеф на Чеченија Рамзан Кадиров и го посетува“, „Никогаш нема да дознаеме кому му го покажува ова“…
Стриптизот на Матовников дотолку доби повеќе на внимание во медиумите поради вчерашниот напад врз рускиот авион. Русите го користеле А-50 за да ги лоцираат своите Миг-ови. Уште не е потврдено дали во нападот биле оштетени пделови на авионот, како и неговата радарска антена, како што објавија некои извори. Останува и прашањето зошто дронот не бил соборен.
Одговорноста за нападот, подоцна ја презеде Бипол, група белоруски безбедносни службеници кои поднесоа оставка во знак на протест против бруталното задушување на антирежимските протести во 2020 година, ја презеде одговорноста за нападот.
