Курсат Јилдирим, популарен во Германија под прекарот Чико, освоил 9,9 милиони евра на лотаријата во 2022 година.
Спортски автомобили, скапи одмори, дизајнерска облека – Чико сака луксуз и не го крие. На социјалните мрежи тој со своите следбеници го споделува начинот на неговиот нов живот како мултимилионер, пренесува Феникс.
Се поставува прашањето: Остана ли нешто од речиси десет милиони евра покрај овој луксузен живот?
„Од тие десет милиони останува уште доволно. Повеќе од седум милиони евра поточно, но не се сите во готовина“, откри Чико во интервју за агенцијата Телешау.
Очигледно, милионерот кој живее во Дортмунд добро ги вложил своите добивки.
„Основав неколку компании, вклучително и во секторот на социјалните медиуми. Сега и тогаш заработувам пари. Станав инфлуенсер и многу соработувам со големи компании“, изјави Чико.
43-годишникот голем дел од парите ги вложил и во недвижен имот.
„Купив седум куќи, од кои пет се веќе исплатени. Тука се и моите автомобили и половина милион евра што ги вложив во накит“, вели Чико.
