Претседателот на СОНК Јаким Неделков во емисијата 24 анализа рече дека кај нас, вработените во дејноста имаат едни од најниските плати во регионот и од тој аспект вршат притисок врз централната власт за зголемување на платите во дејноста.
– Кога и како ќе се случи тоа ќе зависи од преговорите кои очекуваме да започнат овие денови, пред сѐ со министерот за образование и наука, но според тоа што го договараме. Тука ќе треба да се инволвира и дел од владата и министерството за финансии – вели Неделков.
Тој потенцираше дека тие дале разумен рок во кој смета дека ќе има усогласување на ставовите помеѓу СОНК и Владата и министерството за образование.
– Очекувам до 15 март да се испеглаат нашите барања и во мартовската плата која се исплаќа во април, преодот од 15.200 на 18.000 да нема турбуленции. Апелирам веднаш да се отпочне со процесот на санирање на последиците ако 18.000 останат само за една категорија – вели Неделков.
