Новото истражување покажа дека ниту една количина на пиење за време на бременоста не е безбедна, бидејќи дури и ниското до умерено консумирање алкохол може да предизвика проблеми во бременоста.
Бремените жени се предупредуваат дека ризикуваат абнормалности доколку пијат било каква количина на алкохол.
Една нова студија покажа дека ниту едно ниво на пиење не е безбедно за бебето, бидејќи дури и ниското до умерено консумирање алкохол предизвикува предвремено породување, пишува Mirror.
Истражувањето објавено во списанието Alcohol Clinical and Experimental Research исто така покажа дека влијанието на пиењето врз бебето може да варира во зависност од полот.
Откриено е дека момчињата почесто се раѓаат рано, додека девојчињата имаат ниска родилна тежина.
Експертите од Универзитетот во Ново Мексико проучувале 281 трудница и нивните деца. Тие се фокусираа на оние кои пиеле умерено или повремено, околу времето кога забремениле или пред да знаат дека очекуваат.
И покрај фактот дека жените генерално избегнувале или го намалувале алкохолот откако ја откриле својата бременост, недостатоците сепак биле забележани и кај машките и кај женските деца.
