More

    Делови од Европа погодени од топлотен бран!

    spot_img

    Со високите температури до 43 Целзиусови степени во Шпанија и Португалија, Западна Европа во вторникот беше погодена од втор топлотен бран за едвај еден месец, што направи хаос на земјата и глечерите.

    Сè почестата појава на овие појави е директна последица на климатските промени, сметаат експертите. „Нов топлотен бран, втор годинава, пристигнува во Западна Европа. Тоа ги погодува главно Шпанија и Португалија, но се очекува да се зајакне и да се прошири“, изјави во Женева Клер Нулис, портпаролка на Светската метеоролошка организација.

    Во Шпанија температурите повторно надминаа 40 Целзиусови степени во голем дел од западната половина на земјата, особено во областите каде што температурите се вообичаено умерени.

    Во Кордоба на југ се измерени 43,3 степени, а во Рибадавија на северозапад 43,5, соопшти метеоролошката служба Аемет. Во Мерида, на југоисток, беше, се разбира, уште потопло: 43,9. Врвот на овој бран ќе трае до четврток.

    Поради екстремно високите температури низ земјата избувнаа неколку пожари, а во оној во Екстремадура на запад изгореа 2.500 хектари вегетација.

    Во Португалија, каде изминатиот викенд избувнаа пожари во центарот на земјата, жештините и силните ветрови повторно ги разгореа пожарите во вторникот, па неколку села беа евакуирани, а повеќе од илјада пожарникари се мобилизирани.

    Пожарот ги загрози местата во општините Леирија, Помбал, Орем и Алваизер, на околу стотина километри северно од Лисабон.

    Поради опасност од пожар, властите го затворија познатиот природен парк Синтра, западно од Лисабон, додека живата во термометарот се искачи на 43,1 степен.

    Во Франција оваа голема жештина ќе трае најмалку до почетокот на следната недела, а температурите во вторник се движеа од 36 до 38, па дури 39 степени на брегот на Атлантикот, на југозападот на земјата и во долината на Рона.

    Се очекува високите температури потоа да се прошират и во другите делови од западна и централна Европа.

    Во Велика Британија, Метеоролошката канцеларија издаде портокалово предупредување за „екстремен топлотен бран“ од недела, со температури кои би можеле да надминат 35 степени. Британците биле повикани да ја зачуваат секоја капка вода и да ја загреат само количината потребна за чаша чај.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img