Пет работници во центар за дневна нега во Мисисипи во САД се обвинети за злоупотреба на деца, откако видеото на кое тие плашат мали деца додека носат маска за Халовин слична на онаа што се гледа во филмската франшиза „Врисок“ стана вирална, пишува Еј-Би-Си Њуз. Во еден момент може да се види како едно момче бега додека работничката со маска на лицето го брка врискајќи неколку сантиметри од неговото лице.
Откако надлежните дознале што се случило во дневната соба, решиле да преземат мерки.
– Во понеделник, 17 октомври 2022 година, канцеларијата на шерифот на округот Монро, канцеларијата на окружниот обвинител и окружниот обвинител се сретнаа со родителите на децата вклучени во инцидентот во Центарот за грижа и образование за деца Лил Блесинг и ги советуваа за можни криминални обвиненија – рече шерифот на округот Монро, Кевин Крук.
– Исто така, на родителите им беше дадена можност да ги споделат информациите што ги собраа со истражителите на МЦСО – додава тој.
Најмалку една двојка родители потпишале изјави за истрага за злоупотреба на децата во окружниот суд Монро, а судијата издал налози за обвиненијата.
– Бев во тотален шок од она што го видов – изјави за Еј-Би-Си Кејтлин Џонсон, мајка на дете кое присуствуваше на Lil’ Blessings.
– Нивното однесување беше неприфатливо. Крвниот притисок ми се зголеми. Ми го скршија срцето за моето дете. Лута сум – рече таа.
– Се надевам дека ќе уживате во затворот и се надевам дека разбирате дека тоа што го направивте е сериозно. Тоа не е шега и не е ништо за смеење – продолжи мајката.
Алиса Хејс, мајка на друго мало девојче во дневниот центар, исто така разговараше со новинарите.
– Сакам да го видат ужасот на нејзиното лице бидејќи јас го гледам секоја вечер – рече таа.
Канцеларијата на шерифот на округот Монро ги именуваше сторителите во случајот како Сиера МекКендлс, Оси-Ана Килбурн, Џенифер Њуман, Чејен Шелтон и Трејси Хатсон.
МекКендлс, Килбурн, Њуман и Шелтон се соочуваат со три обвиненија за злоставување на деца за нивните улоги во инцидентот, додека Хатсон се соочува со две точки од обвинението за непријавување злоупотреба и за напад на малолетник.
Останува нејасно дали осомничените во овој случај добиле правно застапување. Истрагата е во тек.
