Холивудскиот актер Силвестер Сталоне и неговата долгогодишна сопруга Џенифер Флавин, пред два месеци рекоа дека ставаат крај на бракот.
Но, Сталоне сега одлучи да проговори за разводот и помирувањето со сопругата Џенифер Флавин. Актерот откри дека разделбата со сопругата му ги „отворила очите“.
– Одеднаш во мене се разбудија емоции кон она што е повредно од сѐ, а тоа е љубовта кон моето семејство. Таа е поважна и од мојата кариера, иако лекцијата ја научив на потешкиот начин – раскажал Сталоне за „Сандеј тајмс“.
Ѕвездата на филмовите „Роки“ и „Рамбо“ зборувал и за тоа колку жали што отсуствувал како татко поради неговата кариера, додавајќи дека се труди повеќе да се вклучи во животот на своите деца. Сталоне има три ќерки со Џенифер Флавин: Систине, Скарлет и Софија Сталоне.
– Сега цело време ги прашувам моите ќерки како го поминале денот. Една од нив ми кажа еднаш дека размислува за мене. Никогаш порано не сум го слушнала тоа од нив. Но, кога ќерката знае дека се грижиш за неа, таа ќе биде тука за тебе цел живот – рекол Сталоне.
Неговиот најстар син Сејџ од првиот брак почина од срцев удар во 2012 година на 36-годишна возраст. Тој настојувал да го заштити својот син Сеаргео, кој има аутизам, од медиумите.
Да потсетиме, Силвестер Сталоне (76) и неговата сопруга Џенифер Флавин (54) накратко се разделија во август по 25 години брак. Флавин тогаш изјави дека е „тажна“ што поднесува барање за развод од Сталоне и дека имаат намера да останат во пријателски односи. Потоа двојката се смири само еден месец подоцна. Американските медиуми пишуваат дека парот одлучил повторно да се сретнат дома, каде разговарале и успеале да ги решат несогласувањата.
