Времето денеска ќе биде сончево со мала до умерена локална облачност и со слаб до умерен ветер од јужен правец. Минималната температура ќе биде во интервал од 13 до 21 степени, а максималната од 27 до 37, информира УХМР.
Во Скопје времето претежно сончево со слаб до умерен јужен ветер со минималната температура од 18 степени, а максималната ќе биде 36 степени.
До петок времето ќе биде стабилно со слаб до умерен јужен ветер и со пораст на температурата. Во сабота, од УХМР соопштија дека во попладневните часови се очекува локален пороен дожд и грмежи. Ќе дува засилен ветер од јужен, а во недела од северозападен правец, кој ќе предизвика опаѓање на температурата.
