Славната актерка Брук Шилдс (57) јавно обелодени дека ја силувал холивудски моќник кога имала 20 години.
Актерката истакнала дека многу време и било потребно да го процесира тој страшен настан.
„Ми требаше доста време да го обработам тоа“, изјавила актерката за магазинот „Пипл“.
Таа во својот документарец откри дека нападот се случил по колеџ.
„Сега сум повеќе лута отколку што можев тогаш да бидам“, рекла таа и додала:
„Ако се плашите, со право е така. Тоа се страшни ситуации. Не мора да бидат насилни или застрашувачки“, истакнала Шилдс.
Силувањето се случило набрзо откако Шилдс дипломирала на Универзитетот Принстон во 1987 година.
Актерката се присетила дека била на „најниската точка во својата кариера“ кога се состанала со неименуван извршен директор на вечера, за која мислела дека ќе резултира со нејзина улога во филм.
По нивниот оброк, прифатила да се врати во неговата хотелска соба за да повика такси.
Манекенката објаснила дека на почетокот се обвинувала себеси што отишла во хотелот со мажот.
Потсетуваме, Брук подоцна се омажи за Крис Хенчи, а парот има две ќерки – Роуан (19) и Гриер (16).
ФОТО: Инстаграм
