Три случаи на морбили се потврдени во кантонот Сараево, потврди за N1 Адемир Спахиќ од Здравствениот дом на КС. Станува збор за три деца од градинка во општина Нови град Сараево. Зборуваме за невакцинирани деца.
Колегите во КЦУС го потврдија тоа, сите деца се под контрола, епидемиолозите исто така вршат мониторинг за евентуални натамошни случаи“, рече Спахиќ.
Вчера се одржа средба меѓу претставниците на Заводот за јавно здравје на кантонот Сараево, Министерството за здравство на КС, Здравствениот дом на КС, Заводот за итна медицинска помош КС, Општата болница „Прим. д-р. Абдулах Накаш“ и Клиничкиот центар на Универзитетот во Сараево, поради појава на сомнителни случаи на морбили. Протоколите за акција се јасно дефинирани доколку се прогласи епидемија во КС.
Ако се случи епидемија, таа е неизбежна – вели Спахиќ, а причината е малиот број вакцинирани деца во КС.
„Само во две општини, Илијаш и Стари Град, имаме околу илјада деца кои не се вакцинирани со МРП вакцината. Кога ќе ги вклучите и другите општини во КС, тоа сигурно ќе изнесува многу илјади“.
Посочуваат дека доколку детето било во контакт со заболено лице, а не е вакцинирано, може да се донесе на вакцинација во рок од 72 часа. Лекарите уште еднаш апелираат до родителите да го почитуваат календарот за вакцинирање и навреме да ги заштитат своите деца за да се избегне развој на потешки клинички симптоми.
Да потсетиме, во кантонот Тузла беше прогласена епидемија на морбили и хоспитализирани се 29 деца.
